“NEHKEN PERKATAN TUHAN”

2 Samuel 12 : 1 – 15

(Evaluasi sasaren pelayanen GBKP Tahun 2024: Berkarya dan berguna untuk orang lain, Suara Kenabian)

I. Kata Perlebe

Ope kita mulai ras mbenai sada dahin si mbaru, seh perluna ras pentingna kita erbahan evaluasi kerna dahin si nggo dung ntah pe si arah pudi. Alu ngelakoken evaluasi si eteh kai kekuatenta – kelemahenta, kai kelebihen ras kekurangenta. Alu bage si eteh kai si perlu si man pertahanken, kai si man tingkatenken, kai si man dahin dingen kai si olangen. La bas dahinta pribadi ras dahin ibas inganta erdahin/ erusaha ngenca perlu ievaluasi tapi pe ibas dahin gerejata eme kerna sasaren pelayanenta. Sasaren pelayanen GBKP tahun 2024 “Berkarya dan berguna bagi orang lain” nggo dung, bengket kita ku bas sasaren pelayanenta 2025. Aminna nggo dung sasaren pelayanen 2024 tapi jiwa ras semangat lako berkarya dan berguna bagi orang lain la banci peltep ras ngadi. Kita kalak si tek man Tuhan Jesus terus ras tetap erdahin ras erguna man kalak si deban segedang geluhta.

   II. Isi

Dibata nuruh nabi Natan ndahi raja Daud kerna dosana. Natan ngerana alu make perumpaman si erkawiten ras hukum lako mereken efek dramatis, si mahanca raja Daud kari mereken putusan ras hukumen (ayat 1). Natan make perumpaman kerna 2 kalak si seh kal bedana eme sekalak kalak bayak ras sekalak kalak musil. Kalak bayak e seh kal buena asuh-asuhenna; si musil ndai sada anak biri-biri ngenca lit bas ia. Ibahanna anak biri-biri e desken anakna sidiberu. Singkat cerita, itangkap kalak bayak e anak biri-biri kalak musil ndai guna temuena si reh. La atena ipotong asuh-asuhenna guna temuena (ayat 2-4). Megi si e pusuh raja Daud terkuit kerna kinilaadilen, kejahaten ras kekerasen si terjadi. Ibas rawana ibelakenna keputusen ras ukumen kerna kalak bayak e. Kalak bayak e arus mate dingen ngulihken kai si nggo itangkona 4 kali lipat (bdk. Keluaren 22:1). Kenca raja nehken penghakimenna, minter ikataken Natan maka raja Daud kap kalak bayak e. Jenari alu jelas ipeseh Natan uga Dibata nggo ncidahken perkuah ras keleng ateNa man Daud ibas erbage-bage dampar. Tapi raja la ngergaken kiniulin Dibata. Ilanggarna pedah Dibata (Keluaren 20:13-17). Daud munuh Uria (pedah peenemken). Daud erlua-lua (pedah pepituken). Daud nangko eme nangko ndehara kalak (pedah pe waluhken). Daud ermengga ate nangdangi ndehara kalak (pedah pesepuluhken). Daud nggo megombang man Dibata. Erkiteken si e Dibata ngukum ia. Kesusurenna la pernah lepas bas pedang nari (mate si bunuhen). Lalap lit reh kesusahen ibas keluargana erkiteken dosana (ayat 5-12). Megi si e Daud la mbela diri dingen ngelak ibas dosana nari. Iakuina dosana. Erkiteken si e Dibata ngalemi dosana. La ia iukum mate erkiteken nggo munuh (Imamat 20:11; Bilangen 35:16). Tapi anakna si mbaru tubuh arah nderahana Batseba la banci lang mate (ayat 13-15).              

III. Pengkenaina

1. Tema: “NEHKEN PERKATAN TUHAN.” Bagi nabi Natan isuruh mpeseh perkatan Tuhan, bageme pe kita kerina kalak si tek man Tuhan Jesus isuruh. Nehken perkatan Tuhan labo dahin serayan ntah pe si erdahin Tuhan ngenca tapi dahinta kerina. Nehken perkatan Tuhan seri ertina mpeseh suara kenabian. Nabi ngerana man sesekalak ntah sada bangsa la ngerana kerna dirina ras buah perukurenna saja. Nabi ngerana kerna ketuhu-tuhun, kebujuren, keadilen, kekelengen, kemeteruken ukur, rembak ras Dibata (Miha 6:8). Nabi mpeseh Kata Dibata. Nabi leben ngaloken Kata ibas Dibata nari. Bageme pe kita. Pusuhta kalak si tek nggo idemi ras iiani Kesah Si Badia. Kesah Si Badia singerana ibas pusuhta. Kesah e ka si ngajari kita guna si peseh man kalak selaku perkatan Tuhan.
2. Nehken perkatan Tuhan tentu saja la mesunah. Labo banci ibelasi saja, telpus-telpus ras pinter-pinter saja. E bahaya. Banci kari bagi nuan galuh tengah sabah, Akap tama ngaruh kepe tama salah. Nabi Natan selaku penasehat raja Daud (7:2) jadi usihenta bas nehken perkatan Tuhan/ sora kenabian. Natan bas melasken kata Tuhan labo telpus ras pinter-pinter saja tapi ibelaskenna kata Dibata alu pentar. Sabab lit kalak ngataken nina, “Ola belasken kata tuhu tapi kata tengteng”. Si enda secara kiniekenta tentu saja payo dingen mehuli. Adi kata tengteng ngenca ibelasken la maka kalak ku bas kesadaren, perubahen dingen kinijeran. Si payo eme melasken kata tuhu alu alu kata tengteng.
3. Mari si pake waktuta ras kesempaten si lit lako mpeseh perkatan Tuhan. Ola kita CARAM (cari aman) ras CARSEL (cari selamat). Ola erkiteken mbiar kita temanta lanai kari rembak ras kita ntah megelut ras merawa, piah la kita pang melasken perkatan Tuhan. Ola sinik bas si salah. Ola kem bas perbahanen dosa. Ola kura-kura dalam perahu, pura-pura kita padahal kita tahu. Nina Kata Dibata, “Belasken ras pesehlah kata Tuhan (berita) subuk tengteng ras la tengteng paksana terusken gelah beritaken. Cidahkenlah salah kalak, persingeti dingen pegegehi ia sanga iajarkenndu ia alu dem kesabaren” (2 Timotius 4:2). Ola pake kiat ABS (asal bapak/ ibu senang). Si man daramen ras man bahanenta e me uga gelah senang Bapata Si Nisurga.  
4. Alu melasken perkatan Tuhan kita nggo berkarya ras erguna man kalak si deban. Alu mpeseh perkatan Tuhan si dahiken dingen si terusken perbahanen si payo dingen mehuli man kalak si deban. Bas kita nehken perkatan Tuhna geluhta terus ras tetap erguna man kalak si deban. Erdahin ras erguna man kalak si deban labo ngenca arah perbahanen ras pendahin, tapi arah perukuren ras pengeranata. Nina kuan-kuan Persia, “Dilah manusia eme cambuk Dibata.” Perlu si pake dilahta selaku cambuk Dibata gelah kalak si salah robah. Alu bage ia selamat.
5. Mari terus ras tetap kita erlajar melasken perkatan Tuhan alu pentar. Terus kita berlatih mpeseh perkatan Tuhan segelah reh mehulina dingen reh payona wari lepas wari. Si garutlah dilahta gelah reh telapna, reh sikapna, reh beluhna ras reh pentarna kita ncibalken kata tuhu alu kata tengteng. Si pindo man Tuhan kuasa ras gegeh gelah pang kita melasken ras mpeseh perkatan Tuhan. Segelah ola dilahta entelap ku teruh (kalak si meteruk dingen musil) tapi metultul (tumpul) ku datas (kalak mehaga, erpangkat ras bayak), amin.

Pdt. Juris Tarigan, GBKP RG Bogor

ULANGEN 10: 12-22

TEMA :

NDALANKEN KEBUJUREN (Lembaga-lembaga Diakonia)

Pendahuluan :

Ulangan 10:12-22, ilatabelakangi rawa Dibata si mbelin erkiteken ke-la setian bangsa Israel, si nggo ipulahi Dibata ibas taneh perbudaken Mesir nari tapi tetap denga usur nundalken Tuhan ras ngelakoken perbahanen ngelawan Tuhan. Kiniulin Dibata ibalas alu jungut-jungut, penghianatan, ras nimbak kai siiperentahken Dibata. Terlebih tupung Musa nangkih ku deleng Sinai guna ngaloken 10 Perentah Tuhan, ije pe bangsa Israel ngelawan Tuhan dingen erbahan ceda ate Dibata alu erbahan gana-gana Lembu emas guna jadi sembahenna. Janah kidekah perdalanen i gurun pasir lalap nge idah Musa uga mekeng dingen lalap berontak man Tuhan. Menam kal ikernepken Tuhan bangsaNa erkiteken rawaNa ras cedana ate Tuhan nandangi bangsa Israel, tapi erkiteken erjimpuh dingen ertoto Musa man Tuhan emaka la surung idabuhken Tuhan ukumen ngkernepken bangsaNa (bdk. Ul. 9:1- 10:11)

Perikop si jadi ogen PJJ nta enda, Ul 10:12-22 isina eme pidato Musa man bangsana kerna kai siituntut Tuhan ibas bangsaNa nari. Janah berdasarken isina banci si idah maka lit dua pokok tuntuten ras pengajaren ibas Dibata man bangsa Israel, eme:

1. Ncidahken keleng ate man Tuhan alu : Erkemalangen dingen ersembah man Tuhan, ndahiken kerina perentahNa alu bulat ukur dingen ngikutken kerina Undang-undang Tuhan ( Ay. 12-15). Musa mpersingeti bangsana maka Dibata Israel belinen dingen ganjangen asangken kerina dibata-dibata si deban emaka arusna bangsa enda setia dingen lanai nembah man dibata-dibata si deban seyakatan man Dibata saja ngenca.
2. Ndalanken kebujuren ras ncidahken keleng ate man sapih-sapih manusia, sebab bage me biak Dibata si isembah bangsa Israel, si tetap bujur ibas kerina perbahanenNa dingen ngkelengi anak melumang, diberu balu-balu ras kalak pertandang. Jadi kai siituntut Dibata man bangsaNa eme usihen ibas biak Dibata sendiri, adi Dibata pe bujur ibas kerina perbahanenNa dingen la rayo-ayo ras kepade dingen mediate nandangi kalak si terpinggirken, emaka bangsaNa pe arus ngelakoken si bage rupana (ayat 18). Erkiteken bangsa Isrel pe nggo ngenanami uga suina jadi kalak pertandang i Mesir, emaka iperentahken Tuhan bangsa enda pe kepate, mediate ras ncidahken solidaritas man kalak si bage. Si imaksud kalak pertandang ijenda eme: kalak asing (di luar bangsa Israel), para pengembara si umum kal ijumpai ibas masa si e; kalak pertandang tupung paksa si e jadi kelompok masyarakat si sangat rentan kal ngenanami tindak kejahatan ras perlakuan la adil.

Aplikasi :

Kegeluhen beragama dingen erkiniteken man Tuhan arusna maba dampak ras perubahen geluh si signifikan ibas kegeluhen setiap kalak si tek. Dampak si teridah arah uga ia membangun relasi ras Tuhan bagepe ras temanna manusia. Janah enda me penekanen pengajaren si isehken arah pengogen PJJnta Ulangan 10:12-22.

Erkiniteken dingen erkeleng ate man Tuhan secara vertikal arusna berdampak ras berbanding lurus kubas relasinta secara horizontal nandangi temannta manusia. Keleng ate man Tuhan mabai kita ngasup mediate, kepate ras nehken keleng ate man kalak si deban, terlebih kalak si terpinggirkan, golongan kaum yang “termarjinalkan” si rentan ndatken perlakuan si la adil ibas masyarakat, bagi anak melumang, diberu balu-balu, kalak musil dingen pertandang.

Tuntuten ras perentah Tuhan man bangsa Israel ibas zamanna, enda pe tetap berlaku man banta genduari selaku umat Tuhan ibas zaman enda. Sue ras Tema PJJ nta “Ndalanken Kebujuren” , maka arah ogenta kita iajuk guna tetap nggeluh erkemalangen man Tuhan, nembah Tuhan ras ndalanken kerina siiperentahkenNa. Tandana kita erkemalangen dingen ngkelengi Tuhan, arus maka teridah nyata arah perbahanen ras pengkebet geluhta alu ngasup nehken kekelengen man kalak si deban sebab labo tuhu kita ngasup ngkelengi Tuhan si la teridah, adi temanta manusia siidah kita saja pe la terkelengi kita (bdk. 1 Yoh.4:20). Ibas gerejanta GBKP nggo lit ibentuk unit-unit Pelayanen Diakonia sebagai tanda maka gerejanta peduli ras fokus kubas dahin-dahin Pelayanen Diakonia, antara lain eme: PAK Gelora Kasih, PPOS, YKPD ALPHA OMEGA, Komisi Pelayanan HIV AIDS & NAPZA,Yayasan Ate Keleng, CUM, melalui unit-unit pelayanen enda me sicidahken ras sisehken kepedulian ras keleng ateta man kalak si kesusahen.

Mari si dukung tentuna unit-unit pelayanen Diakonia siikelola gerejanta GBKP enda alu ikut muat bagin tiap-tiap tahun mereken penampat man kerina kekelengenta si man sampaten si lit ije. Bagepe marilah si nehen ku sekelewetta, nterem kal kalak si membutuhken uluran tangan kita: kepatelah kita nandangi kalak si muas, melihe, si kelungunen, si ngenanami kiniseran ras kesusahen si lit i sekelewetta, sebab kai silakoken kita man kalak si bage ncidahken kualitas kiniteken ras keleng ateta man Tuhan, bagi kai si iajarken Yesus arah perumpamaanNa ibas Matius 25:40 : “Kai siibahanndu man sekalak si musilna ibas seninangKU enda, eme si tuhuna perbahanenndu man bangKU” .

Semangat Berdiakonia, Semangat ibas nehken kekelengen, Tuhan si masu-masu.

                                                                                    Pdt Jenny Eva Karosekali STh.M.Min

                                                           GBKP Rg. Harapan Indah

MPERDIATEKEN RAS NGUKURI SI MEREKEN KINIULIN

Roma 15:1-6

Pengantar

Seorang penulis buku etika Kristen, Malcolm Brownlee pernah menulis dalam bukunya bahwa ada dua penghambat besar kebebasan orang Kristen yaitu hukum dan penilaian orang lain. Dalam hal ini dia mau mengatakan bahwa di balik kebebasan orang Kristen untuk melakukan sesuatu, ada hal-hal yang perlu dipertimbangkan sebelum melakukannya. Perlu mempertimbangkan membangun atau tidak kebebasan tersebut. Sama halnya dengan tema PJJ kita kali ini, memperhatikan dan memikirkan hal-hal yang berguna.

Pendalaman Teks

Melalui judul perikop dalam Roma 15 (TB), kita sudah dapat memberikan asumsi bahwa ada dua kelompok pada saat Paulus menuliskan suratnya tersebut. Paulus memberikan sebutan orang yang lemah dan orang yang kuat. Yang menjadi pertanyaan kita adalah: apa yang dimaksudkan Paulus dengan sebutan dua kelompok tersebut? Dengan melihat dari pasal 14, kita menemukan bahwa dua kelompok tersebut sedang berada pada pemahaman yang berbeda tentang makanan. Ada orang yang yakin bahwa ia boleh makan segala jenis makanan, tetapi orang yang lemah imannya hanya makan sayur-sayuran saja (14:2). Kejadian yang serupa juga dialami Paulus dalam jemaat Korintus. Di dalam 1 Kor 8:1-13, ada kenyataan bahwa di kota tersebut memiliki kuil-kuil yang biasa dipakai untuk tempat penyembahan berhala dan persembahan yang biasa dipersembahkan adalah seekor binatang. Dan kebanyakan daging yang di jual di pasar tersebut pernah dipersembahkan kepada berhala. Hal ini karena imam-imam kuil pada saat itu tidak memiliki penghasilan yang tetap, sehingga dengan menjual daging-daging binatang yang telah dipersembahkan kepada kuil berhala adalah salah satu penghasilan mereka. Situasi tersebut menjadi pertanyaan bagi orang-orang percaya di kota itu. apakah mereka boleh membeli daging yang di pasar tersebut atau haruskah mereka hanya makan sayur-sayusan saja? Ada yang beranggapan tidak salah memakan daging tersebut, karena bagi mereka berhala-berhala itu tidak ada (mereka inilah disebut yang kuat). Dan ada juga anggapan bahwa memakan daging tersebut adalah perbuatan najis, karena bagi mereka daging tersebut sudah termasuk persembahan kepada berhala (mereka ini yang disebut yang lemah). Kita dapat meyimpulkan bahwa dua kelompok yang dimaksudkan oleh Paulus dalam Roma 15 ini adalah orang-orang yang pemahaman imannya kuat dan orang-orang yang pemahaman imannya masih lemah.

Kalimat yang dipakai Paulus di Roma 15:1 “kita yang kuat, wajib menanggung kelemahan orang yang tidak kuat dan jangan kita mencari kesenangan kita sendiri”. Lebih jelas di dalam terjemahan bahasa karo dikatakan ola dirinta ngenca siukuri. Ajakan Paulus adalah memfokuskan perhatiannya bukan kepada yang berguna untuk kepribadian diri sendiri tetapi yang berguna untuk orang lain dan jemaat Kristen. Di ayat 2-3 Paulus mengembangkan prinsip hidup mencari kesenangan demi sebuah kebaikan, di sini Paulus memberikan pemahaman bahwa hal-hal yang berguna tersebut adalah membangun dan bukan untuk melemahkan. Orang Kristen harus berpikir lebih jauh untuk memikirkan hal-hal yang berguna sebelum bertindak sesuatu. Orang Kristen juga harus bijak memahami situasi bahwa tidak semua orang yang ada di sekitarnya tergolong orang-orang yang memiliki pemahaman yang kuat akan imannya. Di ayat 4-6 Paulus kembali memberikan motivasi bahwa apa yang tertuang di dalam Firman Tuhan adalah sebuah hukum dan pengajaran untuk menyatukan dan saling memperhatikan satu dengan yang lain.

Penerapan

Mperdiateken ras ngukuri si mereken kiniulin jika diterjemahkan ke bahasa Indonesia adalah memperhatikan dan memikirkan hal-hal yang baik bagi orang lain dan sekitar. Kita menyadari bahwa di sekitar kita yang penuh dengan keberagaman dan latar belakang yang berbeda-beda. Tentunya situasi ini sering menimbulkan sesuatu pendapat atau pengertian yang berbeda-beda pula. Secara pengetahuan keimanan mungkin kita memiliki sebuah standart kebenaran yang menurut kita itulah sebuah kebenaran. Secara etika, kebenaran kita itu akan menjadi sebuah kebenaran jika kita bijak mengaplikasikannya dan tidak menjatuhkan atau menghakimi orang lain. Kita juga mungkin memiliki kebebasan dengan standart keimanan kita, tetapi apakah kebebasan kita itu membangun atau menjadi batu sandungan bagi orang lain.

Paulus mau menajak kita melalui firman Tuhan untuk selalu bertindak sesuatu yang membangun dan berguna. Di 1 Kor 10:23 juga dikatakan “segala sesuatu diperbolehkan. Benar, tetapi bukan segala sesuatu berguna.” Di orang karo juga ada istilah mengatakan “sik-sik lebe maka itindes” yang artinya bahwa segala sesuatu yang kita lakukan harus dipertimbangkan dengan matang. Sehingga tindakan kita yang menurut kebenaran kita tidak menjadi batu sandungan orang lain dan melemahkan mereka. Melalui perkataan kita seharusnya dipakai untuk memotivasi bukan untuk menghamiki dan menjatuhkan dan tindakan kita bukan untuk mau menunjukkan kita orang hebat dan paling benar tetapi tindakan kita mencerminkan kasih yang tulus. (ITS)